Šrajbman pra pieršuju pres-kanfierencyju Babaryki: Jon sprabuje praciahnuć ruku častcy namienkłatury
Palityčny ahladalnik Arciom Šrajbman padzialiŭsia ŭražańniami ad pieršaj pres-kanfierencyi Babaryki.
Fota Nadziei Bužan
Babaryka padkreślivaje, što adnosicca da CVK i dziaržorhanaŭ, uklučajučy siłavikoŭ, z prezumpcyjaj davieru.
Šrajbman nie dumaje, što heta naiŭnaść, chutčej — sproba praciahnuć ruku častcy namienkłatury.
Analityk ličyć, što Babaryka nie da kanca ŭśviedamlaje, jak pracujuć ŚMI, i trochi emacyjna reahuje na vostryja pytańni, vučyć žurnalistaŭ, jak ich treba pravilna farmulavać. Heta, adznačaje Šrajbman, prykmieta niedaśviedčanych palitykaŭ.
Babaryka nie idzie ŭ łob z krytykaj na Łukašenku. Sama ž paviestka Babaryki — kłasičny libieralizm.
Adkazu na pytańnie pra abaronu hałasoŭ Babaryka tak i nie daŭ, tamu što ŭ hetaha pytańnia niama dobraha adkazu, ličyć analityk.
Ahladalnik miarkuje, što płan maksimum Babaryki — sabrać realnuju bolšaść u nadziei, što namienkłatura razhubicca ad takoha, ale nie budzie ličyć jaho voraham i tamu aśmielicca nie vykanać zahad.