U Vilejcy z-za aholenaha provadu zahinuli dva sabaki
21 maja la asfaltavaha zavodu ŭ Vilejcy dvoje padletkaŭ vyvodzili hulać sabak, a tyja nastupili na aholeny provad i ŭpali na tym miescy.
Jak paviedamiŭ «Rehijanalnaj haziecie» namieśnik načalnika Vilejskaha RAUS Mikałaj Miahkoŭ, chłopcy viečaram hulali z sabakami kala asfaltavaha zavoda. Ich žyvioły ŭciakli napierad. A potym chłopcy ŭbačyli, što sabaki lažać miortvyja.
Vyśvietliłasia, što sabaki nastupili na aholeny elektraprovad, jaki znachodziŭsia na ziamli i ciahnuŭsia ad elektraščyta, i pamierli na miescy. Chłopcy paviedamili darosłym pra zdareńnie, a jany, u svaju čarhu, vyklikali da asfaltavaha zavoda supracoŭnikaŭ RES i vilejskaj milicyi.
Supracoŭniki RES abiastočyli elektraščyt. Ciapier na miescy zdareńnia raźbirajucca śpiecyjalisty.