U Dziaržynsku pjanaja maci viezła traich małych dziaciej i trapiła ŭ avaryju
Ilustracyjnaje fota Nadziei Bužan
U Dziaržynsku niećviarozaja žančyna viezła ŭ mašynie traich dziaciej i trapiła ŭ avaryju, paviedamili ŭ DAI Minskaj vobłaści.
Avaryja adbyłasia 24 maja kala 01.00 na vulicy Minskaj. 29-hadovaja žančyna za rulom «Reno Łahan» ruchałasia ŭ kirunku stalicy, nie spraviłasia z kiravańniem i źjechała ŭ pravy kiuviet.
Akramia jaje, u aŭtamabili znachodzilisia troje jaje małaletnich dziaciej. Usie jany pieravozilisia bieź śpiecyjalnych utrymlivalnych pryład, ale, na ščaście, u avaryi nie paciarpieli.
Miedycynski ahlad pakazaŭ, što žančyna była pjanaja — 1,45 pramile ałkaholu. Na parušalnicu skłali administracyjnyja pratakoły.