Padpalščyk, zabojcy i prezident
U Homielskim abłasnym sudzie pačałosia słuchańnie spravy ab zabojstvie žycharami Žytkavickaha rajona adnaviaskoŭca‑padpalščyka.
7 krasavika ŭ Homielskim abłasnym sudzie pačałosia słuchańnie kryminalnaj spravy ŭ dačynieńni da čatyroch žycharoŭ vioski Puchavičy Žytkavickaha rajona.
Jany abvinavačvajucca ŭ zabojstvie svajho adnaviaskoŭca Mikałaja Makareviča, jakoha padazravali va ŭčynieńni padpałaŭ damoŭ.
Žorstkaje zabojstva M.Makareviča 1957 hoda naradžeńnia było ŭčyniena 31 śniežnia 2008 hoda.
Jaho cieła sprabavali spalić, a zatym advieźli i schavali niedaloka ad vioski Bieleŭ Žytkavickaha rajona. 10 studzienia pa padazreńni ŭ zabojstvie byli zatrymany troje miascovych žycharoŭ — 1972, 1974 i 1985 hadoŭ naradžeńnia. Ich źmiaścili ŭ śledčy izalatar,
adnak 6 lutaha, paśla ŭmiašańnia prezidenta krainy, miera strymańnia była zamieniena na damašni aryšt.
24 lutaha abvinavačańnie ŭ zabojstvie było pradjaŭlena 21‑letniaj žycharcy Puchavičaŭ, jakaja raniej była asudžana za naniasieńnie ciažkich cialesnych paškodžańniaŭ sužycielu i adbyvała pakarańnie ŭ vyhladzie abmiežavańnia voli.
Słuchańni prachodziać u adkrytym režymie, płanujecca dapytać u sudzie 35 śviedak — žycharoŭ vioski.
Aryjencirovačna sudovyja pasiadžeńni projduć 7—10 krasavika.