U Sucharavie hadzinnaja čarha, kab padpisacca za Cichanoŭskuju, stajała ceły viečar FOTA
Kala handlovaha centra «Maksimus» u minskim Sucharavie ceły viečar trymałasia čarha z 40-60 čałaviek, achvotnych pastavić podpis za Śviatłanu Cichanoŭskuju. Kab dabyć svajoj čarhi, im davodziłasia čakać amal hadzinu.
Pavodle nazirańniaŭ karespandenta «Našaj Nivy», prykładna pałova ź ludziej, jakija stajali da Cichanoŭskaj, u pracesie čakańnia padpisvalisia taksama za vyłučeńnie kandydatami ŭ prezidenty Viktara Babaryki i Valeryja Capkały, stendy jakich stajali pobač bieź istotnych čerhaŭ.
Kala niedalokaha mietro «Kamiennaja Horka» ŭ hety čas źbirali podpisy za Viktara Babaryku (siem zborščykaŭ) i Valeryja Capkału (čatyry zborščyki). Da ich uvieś čas padychodzili ludzi.
Pa stanie na 20.00 zbor podpisaŭ za Cichanoŭskuju kala «Kamiennaj Horki» nie ažyćciaŭlaŭsia, choć i byŭ anansavany napiaredadni.
Nahadajem, što siońnia ź vialikim ažyjatažam prajšoŭ pikiet pa zbory podpisaŭ za alternatyŭnych kandydataŭ na Kamaroŭcy. Čerhi, kab padpisacca, raściahvalisia na kiłamietr — praz płošču Jakuba Kołasa da vulicy Kulman.