Rasija adkryła miežy biełaruskim rabočym-vachtavikam
Urad Rasii ŭnios źmieny ŭ rasparadžeńnie ab zabaronach na ŭjezd z pryčyny pandemii karanavirusa. Ciapier u Rasiju dazvolili ŭjazdžać hramadzianam Biełarusi, jakija pracujuć vachtavym mietadam.
U śpis tych, kaho puściać u Rasiju, dadali «vachtavikoŭ», jakija pracujuć u bieśpierapynnych vytvorčych pracesach na pramysłovych abjektach jadziernaj enierhietyki, budaŭnictva, zdabyčy nafty i hazu, pierapracoŭki karysnych vykapniaŭ, a taksama ŭdzielnikaŭ kaśmičnych prahramaŭ i žycharoŭ Bajkanura (horada ŭ Kazachstanie, dzie Rasija aranduje kasmadrom).
Zabaronu na ŭjezd dla biełarusaŭ u Rasii pryniali jašče ŭ siaredzinie sakavika, tłumačyŭšy, što Biełaruś niedastatkova supraćstaić karanavirusu.