Puchavicki detektyŭ
Žychary vioski Puchavičy Žytkavickaha rajona, abvinavačanyja ŭ zabojstvie adnaviaskoŭca, admaŭlajucca na sudzie ad raniej dadzienych pakazańniaŭ.
Čatyry žychary vioski Puchavičy Žytkavickaha rajona, abvinavačanyja ŭ zabojstvie adnaviaskoŭca, admaŭlajucca na sudzie ad pakazańniaŭ, dadzienych na śledstvie.
7 krasavika Homielski abłasny sud pačaŭ razhlad kryminalnaj spravy ab zabojstvie Mikałaja Makareviča, jakoje nabyło rezanans dziakujučy ŭmiašańniu prezidenta (pavodle jaho rekamiendacyi abvinavačanyja byli adpuščany ź SIZA pad chatni aryšt).
Padčas pasiadžeńnia dva abvinavačanyja pryznali svaju vinu, ale potym pačali mianiać pakazańni, śćviardžajučy, što ŭ ich nie było zmovy i namieru zabivać abo źbivać M.Makareviča, jany prosta chacieli ź im "pahutaryć".
Jany rastłumačyli, što im nie ŭdałosia pahutaryć z paciarpiełym, i jany ŭdaryli jaho siakieraj.Zhodna z materyjałami spravy, paciarpiełamu było naniesiena nie mienš jak try ŭdary siakieraj pa hałavie. Zatym jamu nanieśli jašče adzin udar lazom siakiery ŭ vobłaść šyi. Trup złačyncy spalili, viarnuŭšysia viečaram na miesca złačynstva.
Abvinavačanyja znachodziacca ŭ svajackich adnosinach.
Usie jany pakazali, što nijakich kanfliktaŭ u ich z achviaraj nie było, ale jany bajalisia, što M.Makarevič moža spalić domaŭładańnie ich svajaka Siarhieja Alifiaroviča, i tamu vyrašyli jaho "spynić".U milicyju ab pahrozach abvinavačany S.Alifiarovič nie paviedamiŭ, bo ličyŭ heta daremnym. Načalnik AUS Žytkavickaha rajona Vasil Biełakur pakazaŭ na sudzie, što nijakich skarhaŭ ad žycharoŭ Puchavič na M.Makareviča nie pastupała. Adnak 31 śniežnia V.Biełakur addaŭ zahad učastkovamu ab vyšuku M.Makareviča i dastaŭcy ŭ AUS — paśla vusnaha paviedamleńnia žycharki Žytkavičaŭ ab tym, što nielha było adpuskać z adździaleńnia milicyi M.Makareviča, zatrymanaha napiaredadni pavodle padazreńnia ŭ padpale, bo ŭ Puchavičach moža "što-niebudź zdarycca".
Novym pakazańniam abvinavačanych supiarečać dokazy, atrymanyja padčas śledstva, pakazańni samich abvinavačanych na etapie papiaredniaha rasśledavańnia, a taksama dopyt abvinavačanych u sudzie.Jak vynikaje z pakazańniaŭ 21-hadovaj Taćciany Juchnievič, 30 śniežnia jana i chaŭruśniki damovilisia pabić abo zabić M.Makareviča. Z hetaj metaj 31 śniežnia T.Juchnievič z chaŭruśnikam šukała adnaviaskoŭca i sačyła za im niekalki hadzin. U toj samy čas M.Makareviča šukaŭ učastkovy inśpiektar; złačyncy viedali pra heta, ale naŭmysna nie paviedamili ab jaho miescaznachodžańni.
Abvinavačanaja zajaviła, što joj "niama ŭ čym raskajvacca".
Sud budzie praciahvacca 8 krasavika.