U Polščy pracujuć 42 tysiačy biełarusaŭ
Usiaho ŭ Polščy pracujuć 622 tysiačy zamiežnikaŭ, pryčym ukraincy składajuć 72%, paviedamlaje wyborcza.pl.
Druhaja pa kolkaści hrupa zamiežnikaŭ — biełarusy, ich kala 42 tysiač.
Ale heta tyja, chto pracuje aficyjna, h. zn. maje strachoŭku.
A faktyčnaja kolkaść hramadzian-zamiežnikaŭ jašče bolšaja. Nie ŭličanyja tyja, chto pracuje pa padradzie abo niezakonna, źviartajuć uvahu miascovyja ŭłady.
Najbolš zamiežnikaŭ zajaŭlena ŭ adździaleńniach sacyjalnaha strachavańnia ŭ Chožuvie (10985 čałaviek), Čanstachovie (10704) i ŭ Zabžy (10528), piša beskidzka24.pl. U Rybnickim ASS zarehistravana 9214 zamiežnikaŭ, u filijale ŭ Bielska-Białaj — 8462.
Zamiežniki nie tolki najmajucca, ale i sami raspačynajuć biźnies u Polščy, stvarajučy dadatkovyja pracoŭnyja miescy. Pa ŭsioj krainie ŭłasny biznes viadzie kala 20 tysiač zamiežnikaŭ. Naprykład, na zachadzie, u Silezskim vajavodstvie najbolš pradpryjemstvaŭ adkryli hramadzianie Ukrainy, paśla niemcy i italjancy.
Jak paviedamlałasia raniej, kartu palaka majuć amal 137 tysiač hramadzian Biełarusi: 131 770 čałaviek - u Biełarusi, 5376 — u Biełastoku. Jašče paŭtary tysiačy zajaŭ razhladajucca.