MVF uchvaliŭ vydzialeńnie Ukrainie kredytu na $5 miljardaŭ
Rada kiraŭnikoŭ Mižnarodnaha valutnaha fondu (MVF) uchvaliła novuju prahramu padtrymki Ukrainy. Pra heta havorycca ŭ paviedamleńni na sajcie Fondu. Krainie daduć $5 młrd na 18 miesiacaŭ.
Pieršy tranš składzie kala $ 2,1 młrd i budzie pieraličany ŭ červieni.
«Prahrama skiravanaja na toje, kab dapamahčy Ukrainie spravicca prablemami, vyklikanymi pandemijaj COVID-19, šlacham zabieśpiačeńnia płaciežnaha bałansu i padtrymki biudžetu, pry hetym zachoŭvajučy ŭsie dasiahnieńni i prasoŭvajučy klučavyja reformy. Heta dapamoža harantavać, što Ukraina budzie hatovaja adnavić rost paśla kryzisu», — havorycca ŭ paviedamleńni MVF.
U miežach novaha pahadnieńnia, palityka Ukrainy budzie skancentravanaja na čatyroch važnych momantach:
- źmiakčeńnie ekanamičnych nastupstvaŭ kryzisu, vyklikanaha pandemijaj, u tym liku padtrymka chatnich haspadarak i pradpryjemstvaŭ;
- zabieśpiačeńnie pastajannaj niezaležnaści centralnaha banka i hnutkaha abmiennaha kursu;
- zabieśpiačeńnie finansavaj stabilnaści;
- praciah asnoŭnych kirunkaŭ palityki dziaržavy, uklučajučy baraćbu z karupcyjaj.