Minčuk skraŭ z kramy elektrasamakat. Tudy jon prychodziŭ uładkoŭvacca na pracu
U milicyju źviarnułasia administracyja kramy, što pradaje spartyŭnyja tavary: niechta skraŭ elektrasamakat, vystaŭleny ŭ vitrynie ŭ jakaści ŭzoru. Jaho košt acanili ŭ 1700 rubloŭ, paviedamlaje staličnaja milicyja.
Milicyja chutka zatrymała złačyncu. Heta 40-hadovy minčuk, nidzie nie pracuje. Elektrasamakat byŭ u jaho ŭ kvatery.
Vyśvietliłasia, što mužčyna niezadoŭha da zdareńnia prychodziŭ u kramu ŭładkoŭvacca mieniedžaram pa prodažach. Pracaŭładkavacca ŭ jaho nie atrymałasia, voś i skraŭ potym samakat.