Zabojcu šviedskaha premjera Ułafa Palmie znajšli praz 34 hady
Ułaf Palmie, fota ź Vikipiedyi
Zabojcu šviedskaha premjera Ułafa Palmie znajšli praz bolš jak 30 hadoŭ. Pra heta raspavioŭ prakuror Kryster Pietersan, paviedamlaje Reuters.
Prakuratura vyśvietliła, što Palmie zabiŭ dyzajnier Styh Enhstrem. Prakuror adznačyŭ, što nie moža pradjavić jamu abvinavačvańni, pakolki toj zahinuŭ. Pa hetaj pryčynie spravu zakryli.
Pietersan dadaŭ, što śledstva tak i nie znajšło pryładu zabojstva. Kuli, znojdzienyja na miescy zdareńnia, nie zmahli źviazać z kankretnym pistaletam.
Enhstrema nazvali adnym z padazravanych u zabojstvie premjera jašče ŭ 2018 hodzie. Padstavaj dla hetaha stali pakazańni śviedak. Dyzajniera dapytali palicejskija: padčas razmovy jon błytaŭsia ŭ pakazańniach i nie moh dakładna skazać, što rabiŭ u dzień hibieli Palmie. Enhstrem skončyŭ žyćcio samahubstvam u 2000 hodzie.
Premjer-ministr Šviecyi Ułaf Palmie, lidar sacyjał-demakratyčnaj partyi, byŭ zastreleny ŭ Stakholmie 28 lutaha 1986 hoda, kali jon viartaŭsia z žonkaj z kino biez achovy.