Łukašenka pakul nie paćvierdziŭ pajezdku na parad u Maskvu
Pres-sakratar prezidenta Rasii Dźmitryj Piaskoŭ, jak i abiacaŭ raniej, abviaściŭ śpis kiraŭnikoŭ dziaržaŭ, jakija pryjeduć na parad u Maskvu 24 červienia. Aleksanra Łukašenki ŭ hetym śpisie niama, paviedamlaje telehram-kanał «Puł № 3».
«Jość paćvierdžańni ad Kazachstana, Kyrhyzstana, Małdovy, Tadžykistana, Turkmienistana, Uźbiekistana. Paćvierdžańnie ad Sierbii, Charvatyi, Abchazii, Paŭdniovaj Asiecii. Ceły šerah lidaraŭ atrymali zaprašeńnia, my čakajem paćvierdžańnia z dnia na dzień. Łukašenka pakul nie paćvierdziŭ, Zialenskamu, nakolki ja viedaju, nie adpraŭlałasia zaprašeńnie», — raspavioŭ pres-sakratar rasijskaha prezidenta.
Dva dni tamu jon abiacaŭ pradastavić presie śpis tych, chto prymie ŭdzieł u mierapryjemstvach 24 červienia.
Raniej TUT.BY nieadnarazova pytaŭsia pra toje, ci pajedzie Alaksandr Łukašenka ŭ Maskvu na parad, i ŭ pres-sakratara kiraŭnika Biełarusi Natalli Ejsmant. Zapyty zastalisia biez adkazu.
Taksama nieviadoma, ci adpraviacca biełaruskija vajskoŭcy, zaprošanyja na parad, u Maskvu — Rasija na parad, pryśviečany 75-hodździu Pieramohi ŭ Vialikaj Ajčynnaj vajnie, zaprasiła paradnyja raźliki 19 dziaržaŭ, u tym liku i Biełarusi.