U Kramli nie bačać ničoha, «što b dyskredytavała vybary» ŭ Biełarusi
Fota Nadziei Bužan
Rasija nie ŭmiešvajecca i zaklikaje inšyja krainy nie ŭmiešvacca ŭ prezidenckija vybary ŭ Biełarusi. Pra heta zajaviŭ žurnalistam u sieradu pres-sakratar prezidenta RF Dźmitryj Piaskoŭ, piša TASS.
«Biezumoŭna, heta naš važny, najbližejšy sajuźnik, heta dziaržava, ź jakoj u nas stvorana i dziejničaje Sajuznaja dziaržava, tamu, viadoma, my ź vialikaj uvahaj nazirajem za tym, jak prachodzić vybarčaja kampanija, my žadajem paśpiachovaha praviadzieńnia hetych vybaraŭ našym biełaruskim partnioram», — skazaŭ Piaskoŭ.
Jon padkreśliŭ, što ŭ Kramli nie bačać ničoha, «što b dyskredytavała hetyja vybary». «Heta ŭnutranaja sprava Biełarusi. My prapanujem u hetyja ŭnutranyja spravy nie ŭmiešvacca, i ŭsim astatnim — taksama», — padkreśliŭ pres-sakratar rasijskaha lidara.