Jarmošyna: Pažadańnie Łukašenki — kab usie pretendenty zmahli sabrać nieabchodnuju kolkaść podpisaŭ
Siońnia kiraŭnik Centrvybarkama prakamientavała vyniki sustrečy ŭ Łukašenki i chod vybarčaj kampanii, paviedamlaje ANT.
Skrynšot ANT.
Lidzija Jarmošyna raskazała, što Alaksandr Łukašenka vykazaŭ pažadańnie, kab u vybarščykaŭ u ciapierašniuju palityčnuju kampaniju byŭ samy šyroki vybar z kandydataŭ na vyšejšuju dziaržaŭnuju pasadu.
— Asablivaje pažadańnie kiraŭnika dziaržavy — kab usie kandydaty, jakija na hety momant pretendenty, i tyja, što źbirajuć podpisy, kab jany zmahli ŭsio ž taki sabrać nieabchodnuju kolkaść podpisaŭ i kab našy vybarčyja kamisii ŭvažliva pracavali, nie admaŭlajučy i nie pryznajučy podpisy niesapraŭdnymi i nie pryznajučy niesapraŭdnymi pa niejkich absalutna niefarmalnych padstavach. Ja dumaju, što takija miery buduć spryjać tamu, što ŭsie elektaralnyja pieravahi buduć uličanyja zatym na pracesie rehistracyi i ŭ dzień hałasavańnia, — skazała kiraŭnik CVK.