Urad raptam zadumaŭsia pra pavyšeńnie piensij
Fota Nadziei Bužan
Urad pa daručeńni Łukašenki šukaje mahčymaści dla pavyšeńnia pracoŭnych piensij pa ŭzroście. Pra heta siońnia, adkazvajučy na pytańni deputataŭ, paviedamiŭ premjer-ministr Raman Hałoŭčanka, piša BiełTA.
Parłamientaryi pacikavilisia, jakija šlachi bačyć novy skład urada pa zabieśpiačeńni zbałansavanaści biudžetu, ci buduć pierahledžanyja sacyjalnyja abaviazacielstvy pa vypłatach zarpłat, piensij, dapamoh na fonie niehatyŭnaha ŭpłyvu suśvietnaha kryzisu, kanjunktury rynkaŭ.
«Raschody, źviazanyja z akazańniem jakasnych biudžetnych pasłuh nasielnictvu, buduć zachavany. U nas jość vyraznaje razumieńnie, što stvoranaja paduška biaśpieki dazvalaje ŭ poŭnym abjomie vykanać usie sacyjalnyja abaviazacielstvy dziaržavy. Ni ab jakim prypynieńni abo pierahladzie ŭ bok źmianšeńnia sacyjalnych vypłat razmovy być nie moža. Bolš taho, pa daručeńni prezidenta ŭrad prapracoŭvaje pytańnie i adšukvaje mahčymaści dla pavyšeńnia pracoŭnych piensij pa ŭzroście», — skazaŭ premjer.