Mahiloŭca buduć sudzić za toje, što prasłuchoŭvaŭ telefon žonki i vyšukvaŭ tam kampramat
49-hadovy žychar Mahilova chutka siadzie na łavu padsudnych za niesankcyjanavany dostup da kampjutarnaj infarmacyi svajoj žonki i vykarystańnie dla takich metaŭ śpiecyjalnych virusnych prahram, piša sb.by.
Mahiloviec upotaj ad žonki ŭstalavaŭ na jaje mabilny telefon prahramu, z dapamohaj jakoj atrymaŭ mahčymaść dostupu da asabistaj infarmacyi — u asnoŭnym da pierapisak i telefonnych zvankoŭ.
Mužčyna całkam kantralavaŭ telefon žonki. Navat u toj momant, kali jana nie karystałasia trubkaj, mahiloviec vykarystaŭ mahčymaści mabilnaha ŭ jakaści pryłady dla prasłuchoŭvańnia. Prakuratura Mahiloŭskaj vobłaści ŭžo nakiravała hetuju spravu ŭ sud. Mužčynu pahražaje pakarańnie až da pazbaŭleńnia voli da dvuch hadoŭ.