Babaryka: Kali vybarščyki skažuć «Idziom na płošču», to ja pajdu na płošču
Patencyjny kandydat u prezidenty krainy Viktar Babaryka ŭ intervju Tut.by raspavioŭ pra toje, jak hatovy baranić vybar svaich vybarščykaŭ.
Fota Nadziei Bužan
«Toje, što mnie skažuć rabić vybarščyki, usie try z pałovaj miljony, ja badziora heta i zrablu. Jak ja ŭžo skazaŭ, kali vybarščyki maje skažuć «Idziom na płošču», to ja pajdu na płošču», — skazaŭ Babaryka.
Taksama jon raspavioŭ pra knihu «Paŭstańnie mas», u jakoj havorycca, što nivodny dyktatarski režym nie moža ŭtrymacca, kali ŭ jaho niama elektaralnaj bolšaści.
«Jon moža ŭtrymacca tolki karotki čas, na kryvi», — skazaŭ Babaryka.
Babaryka zajaviŭ, što hatovy nie prosta dałučycca da svaich vybarščykaŭ, a jak lidar hatovy ŭznačalić ich rašeńnie.