Pradaviec-kansultant skraŭ 479 telefonaŭ
Rabotnik adnaho z sałonaŭ sotavaj suviazi vykraŭ 479 daručanych jamu mabilnych telefonaŭ, paviedamlaje Minsk-Naviny.
25-hadovy minčuk pracavaŭ pradaŭcom-kansultantam u sałonie sotavaj suviazi i afarmlaŭ padrobnyja dahavory, pa jakich fizičnyja asoby nibyta nabyvali mabilnyja telefony ŭ rasterminoŭku, nasamreč jany navat nie padazravali ab zaklučeńni pahadnieńniaŭ ad ich asoby.
Vykradzienyja telefony zbyvaŭ pierakupščyku. Častku hrošaj, utarhavanych ad prodažu mabilnikaŭ, abvinavačany marnavaŭ na asabistyja patreby, a astatnimi płaciŭ pa fiktyŭnych damovach rasterminoŭki.
Pradstaŭniki apieratara sotavaj suviazi źviarnulisia ŭ milicyju. Usiaho małady čałaviek na praciahu dvuch hadoŭ zavałodaŭ 479 mabilnymi telefonami i 479 sim-kartami na ahulnuju sumu bolš za 250 tysiač rubloŭ, što źjaŭlajecca asabliva bujnym pamieram.