Čaćviertyja sutki ŭ Łatvii nie fiksujucca novyja vypadki karanavirusa
LETA
Za minułyja sutki ŭ krainie było praviedziena 1276 testaŭ na karanavirus, usie vyniki byli admoŭnymi, paviedamlaje Delfi sa spasyłkaj na Centr prafiłaktyki i kantrolu zachvorvańniaŭ.
Usiaho ŭ balnicach Łatvii znachodziacca vosiem raniejšych pacyjentaŭ z hetym zachvorvańniem, ź jakich siem — vypadki siaredniaj ciažkaści, u adnaho chvaroba praciakaje ŭ ciažkaj formie. Usiaho sa stacyjanaraŭ vypisanyja 175 pacyjentaŭ.
Za ŭvieś čas pandemii ŭ Łatvii było praviedziena 141 713 testavańniaŭ na novy karanavirus, vyjaŭlena za ŭvieś čas 1111 chvorych, a 30 pamierli.
U praporcyi na 1 młn nasielnictva:
— kolkaść zachvarełych: Łatvija — 589, Biełaruś — 6 295;
— kolkaść testaŭ: Łatvija — 75 122, Biełaruś — 93 789;
— kolkaść pamierłych na 1 młn: Łatvija — 16, Biełaruś — 38.
Łatvija zakryła miežy 17 sakavika, kali tolki ŭźnikła niebiaśpieka pandemii. Byli zabaronienyja suchaputnyja i pavietranyja pasažyrskija pieravozki praź miažu krainy. Byli zabaronieny publičnyja mierapryjemstvy. Niearhanizavanyja mierapryjemstvy byli dazvolenyja pry kolkaści da 50 čałaviek, zaniatki ŭ škołach admienienyja, a ispyty ŭ škołach pieranieśli na maj. Byŭ taksama spynieny futbolny čempijanat. Užo ŭ pačatku maja situacyja kardynalna źmianiłasia, i ŭ krainie stali fiksavać adzinyja vypadki karanavirusa.