Mahiloviec pieravioŭ «brokieru» 66 tysiač dalaraŭ
Psieŭdabrokiery vymanili ŭ 68-hadovaha mahiloŭca kala 157 tysiač rubloŭ — śledčyja raspačali kryminalnuju spravu.
Pažyły mužčyna z Mahilova zarehistravaŭsia na sajcie LHK-Group.com u krasaviku hetaha hoda. Na praciahu miesiaca piensijanier unosiŭ hrošy na rachunak servisu ŭ nadziei ŭzbahacicca za košt adsotkaŭ, jakija jamu abiacaŭ mieniedžar sajta. U niejki momant mahiloviec vyrašyŭ zabrać svaje hrošy, ale brokier zapatrabavaŭ za vyvad hrošaj 8 tysiač dalaraŭ. Takuju sumu piensijanier admoviŭsia ŭnosić i tady na jaho paviedamleńni prosta pierastali adkazvać.
Za ŭvieś pieryjad mužčyna ŭnios bolš za 157 tysiač rubloŭ — hetyja hrošy, pavodle jaho słoŭ, jon aščadžaŭ šmat hadoŭ. U ekvivalencie na siońnia heta kala 66 tysiač dalaraŭ ZŠA.