Baranavicki małočny kambinat uvajšoŭ u skład «Savuškavaha pradukta»
1 lipienia 2020 hoda Baranavicki małočny kambinat uvajšoŭ u skład AAT «Savuškaŭ pradukt» u jakaści vytvorčaha filijała.
Kampanija zachavała pracoŭnyja adnosiny z supracoŭnikami Baranavickaha MK na raniejšych umovach i z zachavańniem zarabotnaj płaty. Ciapier zavod u Baranavičach pracuje ŭ raniejšym režymie, pierapracoŭvajučy kala 500 ton małaka na sutki.
Z vosieni tut pačniecca surjoznaja madernizacyja, u vyniku jakoj u Baranavičach budzie stvorana adna z najlepšych u krainie syrnych vytvorčaściej mahutnaściu da 30 ton elitnych hatunkaŭ syru na sutki, pabudavany sučasny łahistyčny centr paśpiavańnia i zachoŭvańnia syroŭ, a taksama praviedziena rekanstrukcyja cecha SMP (suchich małočnych praduktaŭ).
Pry hetym placoŭka zachavaje za saboj jašče adnu śpiecyjalizacyju — vytvorčaść naturalnamałočnaj pradukcyi i handlovyja marki «Ranica» i «Syrnaja vołaść».