Łukašenka pravioŭ kadravyja pierastanoŭki ŭ kiraŭnictvie Uzbrojenych Sił
Alaksandr Łukašenka pravioŭ kadravyja pierastanoŭki ŭ kiraŭnictvie Uzbrojenych Sił, paviedamlaje BiełTA.
Hienierał-major Pavieł Cichanaŭ vyzvaleny ad pasady načalnika hałoŭnaha raźviedvalnaha ŭpraŭleńnia — namieśnika načalnika Hienieralnaha štaba i zaličany ŭ rasparadžeńnie ministra abarony. Na jaho pasadu pryznačany načalnik upraŭleńnia terytaryjalnaj abarony — namieśnik načalnika Hienieralnaha štaba hienierał-major Rusłan Kasyhin. Kiraŭnictva terytaryjalnaj abarony ciapier uznačalić pałkoŭnik Andrej Macijevič.
Kiraŭnik dziaržavy taksama pryznačyŭ hienierał-majora Valeryja Hniłazuba namieśnikam načalnika Hienieralnaha štaba pa bajavym upraŭleńni, vyzvaliŭšy jaho ad pasady načalnika štaba — pieršaha namieśnika kamandujučaha vojskami Paŭnočna-zachodniaha apieratyŭnaha kamandavańnia. Na hetaje miesca pryjdzie namieśnik kamandujučaha vojskami Zachodniaha apieratyŭnaha kamandavańnia hienierał-major Ihar Dziemidzienka, na pasadu jakoha pryznačany pałkoŭnik Alaksandr Bas.