U Baranavičach ciahnik spyniŭsia nad čałaviekam, što mirna spaŭ na rejkach
Nadzvyčajnaje zdareńnie adbyłosia ŭnačy 10 lipienia na čyhunačnaj stancyi Baranavičy-Paŭnočnyja, paviedamlaje vydańnie «Naš kraj».
Mužčynu, jaki lažaŭ na čyhunačnych rejkach, na padjeździe da stancyi zaŭvažyŭ mašynist ciahnika Homiel — Hrodna.
Mašynist ekstranna zatarmaziŭ, adnak spynić ciahnik svoječasova nie ŭdałosia. Tym nie mienš čałaviek, jaki lažaŭ na rejkach, nie paciarpieŭ: pieršy vahon ciahnika spyniŭsia prosta nad im.
U dačynieńni da mužčyny skłali administracyjny pratakoł za znachodžańnie ŭ niećviarozym stanie pablizu čyhunki.