Mer Bresta pieranios karanavirus pierad vizitam u horad Łukašenki
Na bryfinhu 15 lipienia staršynia Bresckaha harvykankama Alaksandr Rahačuk raspavioŭ pra situacyju z karanavirusam i pnieŭmanijami ŭ Breście, a zaadno pra toje, jak sam pierachvareŭ, piša «Bresckaja hazieta».
«Ja realna zachvareŭ. Tempieratura 37,3-37,5. Kali mnie zasunuli ŭ nos, až da mazhoŭ, voś hetyja dźvie štučki i adpravili na KT i pryjšoŭ PCR stanoŭčy, ja zrazumieŭ, što heta [karanavirus — NN] u mianie było. I, naturalna, mianie pakłali ŭ pulmanałohiju centralnaj haradskoj balnicy», — praciahnuŭ kiraŭnik horada.
Pa słovach Rahačuka, heta było niezadoŭha da vizitu Alaksandra Łukašenki ŭ Brest. Praź dziesiać dzion lačeńnia jamu zrabili paŭtorny PCR, jaki byŭ admoŭny. I 22 červienia, kali Łukašenka byŭ u Breście, kiraŭnik horada znachodziŭsia pobač ź im padčas aficyjnych mierapryjemstvaŭ.