Eśminiec VMS ZŠA voźmie ŭdzieł u vučeńniach z Ukrainaj na Čornym mory
Amierykanski rakietny eśminiec Porter («Porter») pačaŭ pierachod u Čornaje mora dla ŭdziełu ŭ supolnych z Ukrainaj vučeńniach Sea Breeze 2020, paviedamlajuć infarmahienctvy sa spasyłkaj na pres-słužbu Šostaha fłotu VMS ZŠA.
«Rakietny eśminiec USS Porter kłasa» Arli Bierk» pačaŭ pierachod u Čornaje mora 19 lipienia 2020 hoda, kab uzmacnić rehijanalnuju stabilnaść na mory, udzielničajučy ŭ 20-ch vučeńniach Sea Breeze 2020, jakija arhanizujucca ZŠA i Ukrainaj», — havorycca ŭ zajavie.
Adznačajecca, što heta piaty amierykanski karabiel, jaki ŭvajšoŭ u vody Čornaha mora ad pačatku 2020 hoda.
«Naš udzieł u šmatnacyjanalnych vučeńniach, takich jak Sea Breeze, źjaŭlajecca realnaj demanstracyjaj rašučaści ZŠA ŭ dačynieńni da kalektyŭnaj abarony Jeŭropy», — cytujucca ŭ zajavie słovy vice-admirała Džyna Błeka, kamandujučaha Šostym fłotam ZŠA.
U vučeńniach Sea Breeze płanujecca zadziejničać 2 tysiačy čałaviek ź dzieviaci krain, u tym liku 27 karabloŭ i 19 samalotaŭ. U Sea Breeze 2020 voźmuć udzieł Bałharyja, Francyja, Hruzija, Narviehija, Rumynija, Ispanija, Turcyja, Ukraina i Złučanyja Štaty.