Łukašenka — novamu pasłu ŭ ZŠA: U Amierycy pryjdziecca pačynać usio spačatku. Dasi rady?
Novy pasoł Biełarusi ŭ ZŠA Aleh Kraŭčanka płanuje ŭ žniŭni adbyć u Vašynhton. Hetaja infarmacyja prahučała siońnia na sustrečy Łukašenki z novymi kiraŭnikami biełaruskich dypmisij, pieradaje BiełTA.
«U Amierycy pryjdziecca pačynać usio spačatku. Spravišsia?» — spytaŭ Alaksandr Łukašenka.
«Vielmi šmat budzie zaležać ad tvajoj pracy. Heta my jašče detalova potym abmiarkujem, praź ministra ja pieradam niekatoryja rečy. Nam patrebnyja buduć padtrymka i dapamoha ad Złučanych Štataŭ Amieryki, asabliva ŭ hety pieryjad u finansavaj śfiery ŭ suviazi z karanavirusam, — zajaviŭ Łukašenka. — Tam u nas niadrennyja pierśpiektyvy».