Doktar zbornaj Ukrainy pa futbole pamior ad karanavirusa
Uviečary 25 lipienia ad Covid-19 pamior doktar nacyjanalnaj kamandy ŭ futbole Anton (Ašot) Chudajeŭ, u jaho spyniłasia serca. Pra heta paviedamiła Ukrainskaja asacyjacyja futboła ŭ svaim fejsbuku.
Chudajevu było 48 hadoŭ. Jon zaraziŭsia na Covid-19 i virus paškodziŭ 70% jaho lohkich. Daktary zmahalisia za žyćcio Chudajeva, jon znachodziŭsia pad aparatam ŠVŁ, ale nie zmoh pieramahčy chvarobu.
Bolš za 20 hadoŭ Chudajeŭ byŭ doktaram charkaŭskaha «Mietalista», u zbornaj — z 2016 hoda (taksama pracavaŭ u hałoŭnaj kamandzie ŭ 2010 hodzie).