Palijenka: Paŭła Sieviarynca pavinny vypuścić tolki 21 žniŭnia
Fota Nadziei Bužan
Pra heta paviedamiŭ aktyvist anarchisckaha ruchu Źmicier Palijenka, što vyjšaŭ ranicaj u subotu, 25 lipienia, z Akreścina paśla 15 sutak aryštu, piša Radyjo Svaboda.
Nibyta praź jaho Pavieł Sieviaryniec pieradaŭ, kali jaho vyzvalać: chutčej za ŭsio, 21 žniŭnia a 16-j hadzinie.
Niekalki dzion Palijenka siadzieŭ u karcary pobač z karcaram, dzie znachodziŭsia Pavieł Sieviaryniec. Jany pierahavorvalisia praź ścianu, raspavioŭ Svabodzie Palijenka.
«Pavał trymajecca, pieradavaŭ usim pryvitańnie i słovy «Žyvie Biełaruś». Skazaŭ, što vyzvalić jaho musiać 21 žniŭnia a 16-j hadzinie. Pra siabie pieradavaŭ, što pačuvajecca narmalna», — raspavioŭ Palijenka.
Svajaki čakali, što Paŭła vypuściać 22 lipienia paśla 45 sutak aryštu. Ranicaj 22 lipienia žonka ź IČU maci Paŭła Taćcianie Sieviaryniec pa telefonie skazali, što Paŭła nieŭzabavie vyzvalać. Niekalki dziasiatkaŭ čałaviek razam z žonkaj Volhaj sabralisia a 16-j pad ścienami izalatara, ale Paŭła tak i nie vypuścili.
Pavieł Sieviaryniec znachodzicca za kratami ad 7 červienia.