U prahramie Sałaŭjova abmiarkoŭvali Biełaruś i bajevikoŭ «Vahniera», ale na «RTR Biełaruś» hetu častku vyrazali
U čarhovaj prahramie «Niadzielny viečar z Uładzimiram Sałaŭjovym» na telekanale «Rasija 1» bolš za hadzinu efiru viadučy i jaho ekśpierty abmiarkoŭvali situacyju ź biełaruskimi vybarami i bajevikami «Vahniera». Admietna, što hetu častku prahramy vyrašyli nie pakazvać na «RTR Biełaruś». Dla biełaruskaj aŭdytoryi vypusk pačaŭsia adrazu z nastupnaj častki, pryśviečanaj Ukrainie.
Jakija tezisy ahučvalisia ŭ prahramie Sałaŭjova? Ekśpierty ŭ joj zvyčajna prytrymlivajucca padobnaha mierkavańnia.
- Rasija z pavahaj stavicca da Biełarusi.
- Rasija nikoli nie ŭmiešvajecca va ŭnutranyja spravy Biełarusi.
- Biełaruskaje hramadstva nienavidzić bieła-čyrvona-biełyja ściahi, pad jakimi vystupaje Śviatłana Cichanoŭskaja.
- Na Mahiloŭščynie i Viciebščynie razhornutyja trenirovačnyja łahiery bajevikoŭ BNF.
- Łukašenka schłusiŭ pra bajevikoŭ «Vahniera» — maŭlaŭ, jany ž nasamreč nijakija nie rasijskija vajennasłužačyja.
- Niezrazumieła, navošta biełaruskija ŭłady apubličyli historyju, mahli b vyśvietlić na ŭzroŭni śpiecsłužb.
- Tym, što Łukašenka abmiarkoŭvaje mahčymaść pieradačy bajevikoŭ Ukrainie, jon razryvaje adnosiny z Rasijaj.
- Kali zatrymańnie bajevikoŭ — heta inicyjatyva Łukašenki, to jana samazabojčaja.
- Biełaruś uzakońvaje śpis «Miratvorca».
Rasijskija telepiersanažy aburanyja i dziejańniami Alaksandra Łukašenki, i asobaj Śviatłany Cichanoŭskaj.