U Homieli zatrymali aktyvista hrupy Cichanoŭskaj
U Homieli AMAP zatrymaŭ Andreja Chilčyka — aktyvista kamandy Śviatłany Cichanoŭskaj. Jon byŭ rehijanalnym kaardynataram pa zbory podpisaŭ, potym adnym z aktyŭnych udzielnikaŭ rovarnych prabiehaŭ salidarnaści, paviedamlaje Radyjo Svaboda.
Na 7-8 žniŭnia ŭ Homieli jakraz anansavalisia «Vialikija rovarnyja prabiehi salidarnaści».
«Rankam Andrej vyjšaŭ z doma i nie viarnuŭsia. Mnie patelefanavaŭ nieznajomy čałaviek i raspavioŭ, što Andreja skruciŭ AMAP. Jon paśpieŭ kryknuć moj numar telefona. Ciapier jon u Centralnym RAUS, pryčyn zatrymańnia ja nie viedaju», — paviedamiła Svabodzie žonka Taćciana.
Učora ŭ Homieli zatrymali naziralnika Uładzimira Niapomniaščych— prosta na hanku Doma prafsajuzaŭ, dzie jon «manitoryŭ» vybarčy praces. Noč naziralnik pravioŭ u izalatary časovaha ŭtrymańnia, siońnia jaho pavinny sudzić.
Taksama ŭ Hrodnie zatrymany davieranaja asoba Cichanoŭskaj Dźmitryj Cit.