Łukašenka na aficyjnym mitynhu ŭ Minsku: Navat kali ja budu miortvym, ja krainu nie addam
Z Bresta i Viciebska jeduć śpiećciahniki, kałona aŭtobusaŭ z Homiela.
10:30
Paviedamlajecca, što buduć «pradstaŭniki pracoŭnych kalektyvaŭ» ź inšych haradoŭ.
Jeduć taksama z rajonaŭ Minska.
11:20
Praśpiekt Niezaležnaści ad HUMa da źjezda na Maskoŭskuju pierakryty
11:29
Kałony ź siłavikami, jakija z 9 žniŭnia štodzień pryjazdžali ŭ horad na dziažurstva ŭ centr horada ź miesc dysłakacyi ŭ rajonach Uručča, Majakoŭskaha, Dziaržynskaha, Partyzanskaha paśla abiedu, siońnia rušyli zranku. Heta źviazana z tym, što ad 12-j na płoščy Niezaležnaści adbudziecca prałukašenkaŭski mitynh
11:30
Na płošču Niezaležnaści prybyŭ limuzin z karteža Łukašenki
11:40
Aŭtobus №100 na płoščy Niezaležnaści nie spyniajecca. Vypadkovych ludziej na Płoščy nie budzie
11:45
Na płošču Niezaležnaści prapuskajuć lubych hramadzian, ale praviarajuć sumki i zaplečniki — karespandenty
12:10
Udzielniki mitynhu pastupova padychodziać. Iduć, pieravažna, z sumnymi tvarami, z žurnalistami nie havorać. Žurnalistaŭ na samu płošču pakul što nie puskajuć. Pryviezienyja na mitynh ciahnikom biudžetniki dahetul čakajuć u skviery na Babrujskaj.
12:12
Niekatoryja ŭdzielniki prałukašenkaŭskaha mitynhu, čakajučy ŭ skviery, słuchajuć na telefonach zvarot Cichanoŭskaj.
12:19
Prahramist Siarhiej Vaskrasienski pryjšoŭ padtrymaŭ Łukašenku. Kaža, što va ŭsim vinavatyja telehram-kanały, jakija padbuchtorvajuć dziaciej
12:20
Kala KZ Minsk sabralisia aŭtobusy sa źviezienymi biudžetnikami. Kala ich možna ŭbačyć aficyjnuju čyrvona-zialonuju simvoliku
12:30
Na płoščy sabrałasia 3-4 tysiačy.
12:32
Miarkujecca vystup Łukašenki
12:40
Na płoščy Niezaležnaści sabralisia kala 3 tysiač čałaviek. Jany skandujuć «Za Baćku!», «Za Biełaruś!» i «Fašist nie projdiot!»
12:48
Kałona čałaviek u 500 staić na moście z boku Instytuta kultury
12:50
Praŭładnyja sielebryciz siostry Hruździevy nie vierać, što AMAP moh bić i zatrymlivać ludziej prosta ŭ kramie. Kažuć, što heta pravakacyja i što ź imi zaŭsiody dobry abychodzilisia.
12:52
Na płoščy źbirajucca top-čynoŭniki — pryjšoŭ mer Minska Anatol Sivak, jość i ministr unutranych spraŭ Juryj Karajeŭ, praŭda, nie ŭ formie. Hałoŭnaja intryha, ci pryjedzie Łukašenka.
Amapaŭcy doŭha dapytvali Natallu Ejsmant, bo nie zrazumieli, chto jana takaja.
Kačanavu sustreli vopleskami.
12:55
Kala 400 čałaviek čakali kamandy ŭ skviery na Babrujskaj. Narešcie častku zapuskajuć na płošču. Im sihnalać mašyny.
13:15
Mitynh pačaŭsia. Vystupaje Hienadź Davydźka. Teatralnym hołasam: «Biełaruś — heta my!»
13:20
Na płošču Niezaležnaści pryjšli premje Raman Hałoŭčanka, kiraŭnik administracyi prezidenta Ihar Sierhiejenka, staršynia Savieta Respubliki Natalla Kačanava.
13.26
Hajdukievič z trybuny raskazvaje pra mahčymaść paŭtornych vybaraŭ. «Ale vyrašać pavinien parłamient, a nie vulica»
Žančyna prabiłasia ŭ pieršyja šerahi i pierabivaje vystupoŭcu: «Falsifikacyi dakazanyja!»
«Kali łaska, sydzicie adsiul!» — umalaje Davydźka. «Bie-ła-ruś», — skandziruje natoŭp
13:27
Vystupoŭca, vajskoviec-vieteran z trybuny na łukašenkaŭskim mitynhu: HAŃBA TYM, CHTO TAK PADLIČVAŬ HAŁASY! CHTO LIZNUŬ ZADNICU, BLIN! NAVAT KALI ŁUKAŠENKA VYJHRAŬ, HETA NIE 80%. ŽOPALIZY!
Jon zaklikaŭ pryciahnuć AMAP da adkaznaści.
U pačatku vystupa taho vieterana ŭ natoŭpie zakryčali «Uchadi». Paśla mužčynu praz natoŭp paviali cichary.
13:30
Ministr Karajeŭ — karespandentu «Našaj Nivy»: Adbyvajecca scenar kalarovaj revalucyi. Dziaŭčynkam płaciać pa 30-60 rubloŭ. Jany ŭžo bjucca za hrošy.
U adstaŭku Karajeŭ nie sydzie, jak prapanavaŭ Łatuška, kulu taksama nie puścić, jak kazaŭ Niaklajeŭ, bo budzie hramadzianskaja vajna. Znoŭ skazaŭ, što jamu škada zahinułaha, a jašče bolš pabitych.
13:32
Žančyna ź Bieraściejščyny pačała z taho, što suprać biesparadkaŭ. Ale skončyła epična:
U mianie jość mara. Ja nikoli nie była na mory. Darahija maje, dapamažycie mnie ažyćciavić maru! Kali łaska!
Hrupy demanstrantaŭ ad Steły ruchajucca ŭ bok praśpiekta Niezaležnaści. Siłavikoŭ niama.
Idzie kałona ludziej sa ściahami ad Puškinskaj, z Kazinca idzie 50 čałaviek.
13:41
Siostry Hruździevy sa sceny raskazali, što pieršaja sproba Majdana adbyłasia ŭ ich sacsietkach. A paśla ŭ destabilizacyju Biełarusi ŭkłali miljard dalaraŭ
13:51
Na praŭładnym mitynhu Tenhiz Dumbadze televiadučy i deputat nahadaŭ, što pratestoŭcy taksama biełarusy niahledziačy na roznyja mierkavańni. Zaklikaŭ nie dapuskać hvałtu
14:05
Vyjšaŭ Łukašenka. Ludzi, a ich sabrali kala 7 tysiač, skandujuć: «Za baćku».
«Dziakuj vam, vy nikoli mianie nie padvodzili».
«Dziakuj, minčanie, što vytrymaje mianie paŭstahodździa»
Łukašenka źviarnuŭsia sa słovami padziaki da pradstaŭnikoŭ kožnaha z šaści rehijonaŭ i asobna da žycharoŭ stalicy. Kaža, što ŭ pačatku 1990-ch ludzi haładali i stajali na płoščy.
«Darahija siabry, ja paklikaŭ vas siudy nie dla taho, kab vy mianie abaranili, vy pryjechali siudy, kab upieršyniu za čverć stahodździa zmahli abaranić svaju krainu, niezaležnaść, žonak i dziaciej. Ja nie chacieŭ vas klikać na hetuju płošču, u vas žnivo i vy rychtujecie dziaciej u škołu. U 90-ja tut stajali ludzi rabočyja z čajnikami, nie było čaho jeści. Heta nie maja vina, što mnie daviałosia vas paklikać na dapamohu».
Łukašenka škaduje pra «razvał vialikaj imperyi» — SSSR, i što Biełaruś «atrymała abrubak hetaj imperyi», što «byŭ zarobak 20 dalaraŭ, nie było ježy na pryłaŭkach».
Nam prapanujuć sałdat NATO čarnaskurych, žaŭtarotych i biełabrysych. Nas chočuć apranuć u łapci i pahaniać bizunom!
Paru razoŭ maznuŭ tvorčuju intelihiencyju. Kali treba skazać niešta kiepskaje, kaža pa-biełarusku.
Navat kali ja budu miortvy, nie krainu nie addam.
Novych vybaraŭ nie budzie. Nazyvaje pryichilnikaŭ pieramien bandytami i ŭrkami.