Turcyja znajšła hazavyja radoviščy ŭ Čornym mory
Tureckaje buravoje sudna «Facich» mahło vyjavić radoviščy pryrodnaha hazu ŭ Čornym mory. Pra heta paviedamiŭ u sieradu turecki telekanał Habertürk.
«Facich» ažyćciaŭlaje hieałahičnuju raźviedku ŭ Čornym mory niedaloka ad pierasiačeńnia bałharskaj i rumynskaj marskich miežaŭ z ŭnutranymi vodami Turcyi. Pavodle źviestak tureckaha kanała, sudna mahło vyjavić radoviščy pryrodnaha hazu «dobraj jakaści» na ŭčastku «Dunaj-1», a taksama jašče adno radovišča la bierahoŭ Turcyi ŭ rajonie horada Kyrkłareli.
Aficyjnaha paćvierdžańnia hetaj infarmacyi z Ankary nie pastupała, adnak raniej u sieradu prezident Turcyi Taip Erdahan paviedamiŭ pra namier 21 žniŭnia abviaścić «vielmi dobruju dla krainy navinu, jakaja adkryje novuju eru».