Jašče čaćviora siłavikoŭ zvolnilisia sa słužby FOTY
Z šerahaŭ uzbrojenych sił vyjšaŭ staršy lotčyk viertalotnaha atrada Alaksandr Isačenka.
Padaŭ rapart staršy lejtenant justycyi Mikita Staraženka, jon byŭ supracoŭnikam Śledčaha kamiteta. «Ja nie chaču adpraŭlać u archiŭ materyjały pravierak, jakija pavinny być kryminalnymi spravami», — tłumačyć svajo rašeńnie śledčy.
U zvańni padpałkoŭnika zvolniŭsia Alaksandr Achremčyk, słužbie ŭ milicyi jon addaŭ 14 hod: «Ja ŭśviadomiŭ, što faktyčna pradaju svaje maralnyja pryncypy», — dzielicca jon matyvami svajho ŭčynku.
Paśla 11 hod słužby zvolniŭsia i Alaksiej Hryhorjeŭ.
Nahadajem, što ŭsie, chto praz svaje palityčnyja pierakanańni straciŭ pracu, moža źviarnucca pa dapamohu ŭ pošuku pracy, a taksama pa finansavuju padtrymku pa hetaj spasyłcy protectbelarus.org.