Stop-fejk. Premjer Hałoŭčanka zajaviŭ, što na refierendumie bolšaść biełarusaŭ nazvała ruskuju movu rodnaj
Premjer-ministr Raman Hałoŭčanka ŭ prahramie «Ničoha asabistaha» na ANT parazvažaŭ pra stan biełaruskaj movy.
Jon zajaviŭ, što pieravažnaja bolšaść nasielnictva na refierendumie nazvała ruskuju movu rodnaj. Heta dvajny fejk.
Pa-pieršaje, nikoli nie pravodziłasia refierendumaŭ z takim pytańniem. Byŭ refierendum-1995 z pytańniem pra status dziaržaŭnaj movy. Parłamienckaja asambleja ABSIE zrabiła vysnovu, što jon nie adpaviadaŭ mižnarodnym normam svabodnaha i spraviadlivaha hałasavańnia.
Pytańnie pra rodnuju movu zadajecca padčas pierapisu nasielnictva. U 2009 biełaruskuju movu nazvali rodnaj 53% nasielnictva.
Vynikaŭ za 2019 hod jašče niama. Ale staršynia Biełstata Ina Miadźviedzieva zajaviła, što ličby papularnaści biełaruskaj movy značna vyšejšyja za 10 hadoŭ tamu.
Raman Hałoŭčanka: Sproba razhajdać moŭnuju tematyku pradprymajecca nie ŭpieršyniu. Ale tut niama dla jaje hleby. Ja nie budu kazać pra vyniki refierenduma, pa vynikach jakoha padaŭlalnaja bolšaść nasielnictva nazvała rodnaj movaj ruskuju. Nu, moža, nie padaŭlalnaja, ale značnaja. U tym liku ja. Choć ja ź vialikaj pavahaj staŭlusia i da biełaruskaj movy. I na majoj knižnaj palicy knihi na biełaruskaj movie zajmajuć bolš za pałovu.
Marat Markaŭ: Ja vielmi pavažaju ludziej, jakija ŭmiejuć razmaŭlać na pryhožaj biełaruskaj movie.
Raman Hałoŭčanka: Voś tut ja pakajusia: nie ŭmieju. Na pryhožaj havaryć, litaraturnaj. Movie, na jakoj razmaŭlali Mielež, Bykaŭ, Karatkievič. Heta źviazana z tym, što ŭ pobycie ŭpitvajecca ŭsio ž ad asiarodku. Tym nie mienš viartajučysia da pytańnia, navošta heta ŭkidvajecca — u Biełarusi sapraŭdnaja roŭnaść movaŭ. … Dziaržava zrabiła dastatkova dla papularyzacyi biełaruskaj movy. I dla mahčymaściaŭ.