Samalot z Alaksiejem Navalnym prybyŭ u Bierlin
Śpiecyjalny samalot dastaviŭ apazicyjaniera z Omska, dzie jon byŭ špitalizavany z padazreńniem na atručvańnie. Razam z Navalnym u Bierlin prylacieła jaho žonka Julija, paviedamlaje DW.
Łajnier Bombardier Challenger 604 niamieckaj čartarnaj avijakampanii pryziamliŭsia ŭ Bierlinskim aeraporcie Tehiel u subotu, 22 žniŭnia, a 8.47 — prykładna na 20 chvilin paźniej mierkavanaha času. Rasijskaha palityka pakładuć na lačeńnie ŭ Bierlinskuju kliniku Charite.
«Stan zdaroŭja Navalnaha padčas palotu i paśla pryziamleńnia byŭ stabilnym», — paviedamiŭ niamieckaj haziecie Bild kinapradziusar i zasnavalnik arhanizacyi Cinema for Peace Jaka Bizil, jaki ŭ liku inšych arhanizavaŭ pieravozku Alaksieja z Rasii ŭ FRH.