Lidar «Daj darohu!» Juryj Stylski vyjšaŭ na svabodu
instagram.com/stylskii
22 žniŭnia ź izalatara časovaha ŭtrymańnia Leninskaha RAUS u Breście vyjšaŭ na volu lidar hurta «Daj Darohu!» Jura Stylski.
Jura vyjšaŭ na volu a 23.30. Administratar hrupy paviedamiŭ, što «heta jašče nie kaniec, chutka budzie sud».
Stylskaha zatrymali kala 15 hadzin 20 žniŭnia, na vulicy Budzionaha ŭ Breście. Pa słovach vidavočcy, nijakaha mitynhu ŭ rajonie zatrymańnia nie było, jak i ludziej pobač z muzykam.
Da hetaha jaho zatrymali paśla subotniaha šeścia, dzie jon išoŭ ź vialikim ściaham na čale kałony. Heta adbyłosia kala jaho doma ŭ Breście. Na nastupny dzień jaho adpuścili. Paviedamlałasia, što jamu dali 12 sutak.