Piaskoŭ: Kantakty pa temie refinansavańnia biełaruskaha dziarždoŭhu pierad Rasijaj praciahvajucca
Kantakty pa pytańni ab refinansavańni doŭhu Biełarusi pierad Rasijaj praciahvajucca pa linii finansavych uładaŭ dźviuch krain. Pra heta ŭ piatnicu zajaviŭ žurnalistam pres-sakratar prezidenta RF Dźmitryj Piaskoŭ, piša TASS.
«Ja pakinu hetaje pytańnie našym finansavym uładam, mienavita jany ažyćciaŭlajuć kantakty sa svaimi biełaruskimi kalehami. Kantakty praciahvajucca», — skazaŭ pradstaŭnik Kramla.
Raniej Minfin RF paviedamlaŭ, što razhledzić zapyt Biełarusi ab refinansavańni doŭhu ŭ $1 młrd u vypadku jaho pastupleńnia.
Učora Łukašenka zajaviŭ, što jon z Pucinym damoviŭsia pra refinansavańnie 1 młrd dalaraŭ doŭhu.