Vice-mer Minska: Niedapuščalna kłaści śpiačyja palicejskija na vulicach, dzie jeździć hramadski transpart
U stalicy nieabchodna bolš uzvažana padychodzić da arhanizacyi biaśpieki darožnaha ruchu, ličyć namieśnik staršyni Minharvykankama Alaksandr Darachovič.
— Składvajecca ŭražańnie, što staić zadača zapałanić uvieś horad «śpiačymi palicejskimi», zavuzić, abharadzić. Heta niapravilny pasył. Takija miery pavinny prymacca tolki tam, dzie jany sapraŭdy nieabchodnyja, nie treba pieratvarać prajeznuju častku ŭ pralnuju došku, — skazaŭ Alaksandr Darachovič.
Jon taksama nahadaŭ, što na vulicach, pa jakich kursiruje hramadski transpart, vykarystańnie «śpiačych palicejskich» naohuł niedapuščalna.
— Biaśpiecy darožnaha ruchu my budziem nadavać samuju pilnuju ŭvahu, ale prymać rašeńni treba z rozumam, — dadaŭ namieśnik staršyni Minharvykankama.