Krainy Bałtyi vyrašyli spynić kuplu elektraenierhii ŭ Biełarusi
Ministerstvy, jakija adkazvajuć za enierhietyku krain Bałtyi, dasiahnuli zhody ab spynieńni kupli elektraenierhii ŭ Biełarusi paśla zapusku Biełaruskaj AES, paviedamiła ŭ aŭtorak ministerstva ekanomiki Estonii.
«Dasiahnutaje pahadnieńnie źmiaščaje elemienty, jakija palapšajuć rynkavuju pazicyju i pierśpiektyvy našych vytvorcaŭ elektraenierhii», — prakamientavaŭ nastupstvy pahadnieńnia dla Estonii ministr ekanomiki Taavi Aas.
Dla spynieńnia handlu elektraenierhijaj ź Biełaruśsiu budzie vykarystoŭvacca sistema apaznavańnia pachodžańnia elektraenierhii.
U skaročanym abjomie handal praciahniecca na rasijska-łatvijskim napramku. Dla hetaha buduć vykarystoŭvacca reštkavyja mahutnaści ad unutranaha handlu pamiž krainami Bałtyi. Pamiž Litvoj i Kalininhradam handal elektraenierhijaj praciahniecca ŭ ciapierašnim abjomie.