Były achoŭnik «Bihza», jakoha nibyta zvolnili paśla adsidki ŭ Žodzinie: Ja schłusiŭ
31 žniŭnia na sajcie «Našaj Nivy» byŭ apublikavany materyjał pra chłopca, jakoha nibyta zvolnili z «Bihza» praz toje, što jon pravioŭ u IČU Žodzina čatyry dni i nie vyjšaŭ u hety čas na pracu. U kramie tady admovilisia ad kamientaroŭ.
U vyniku vyjaviłasia, što historyja pra zatrymańnie praŭdzivaja, ale raspovied pra zvalnieńnie — chłuśnia. Były achoŭnik Jan Čurkin pryznaŭsia ŭ hetym karespandentu «Našaj Nivy».
Heta paćvierdziła i načalnica jurydyčnaha adździeła «Bihza» Natalla Trafimovič: «Jan sapraŭdy pracavaŭ u kramie achoŭnikam, ale heta było jašče ŭ lutym 2020 hoda. U sakaviku supracoŭnik byŭ zvolnieny».
— Napeŭna, ja štości pabłytaŭ, — prakamientavaŭ svaje słovy Jan.
— Vy pabłytali paŭhoda? Vy kažacie, što heta było ŭ žniŭni, a nasamreč usio adbyvałasia jašče ŭ sakaviku?
— Nu voś tak voś ja skazaŭ. Schłusiŭ, atrymlivajecca.
— A navošta vy heta zrabili?
— Nie viedaju.
«Naša Niva» prynosić prabačeńni sietcy kramaŭ «Bihz» za raspaŭsiud niedakładnaj infarmacyi.