Makiej zajaviŭ, što padrychtavany asimietryčny adkaz na sankcyi krain Bałtyi
Biełaruś zaćvierdziła asimietryčny śpis sankcyj u dačynieńni da krain Bałtyi ŭ adkaz na pryniatyja imi raniej sankcyi suprać Minsku. Pra heta paviedamiŭ na pres-kanfierencyi ŭ Maskvie kiraŭnik biełaruskaha MZS Uładzimir Makiej, piša TASS.
«My ŭčora ŭzhadnili prapanovy, i jany ŭžo zaćvierdžanyja, ab uviadzieńni asimietryčnych sankcyj u dačynieńni da adpaviednych piersanalij Litvy, Łatvii i Estonii», — skazaŭ jon.
Makiej ličyć, što prezidenckija vybary ŭ Biełarusi byli vykarystanyja niekatorymi krainami dla sproby destabilizacyi ŭ krainie.
«Na žal, u čarhovy raz u krainach byłoha Savieckaha Sajuza vybary byli vykarystanyja źniešnimi i ŭnutranymi siłami dla sproby destabilizavać sacyjalna-palityčnuju i ekanamičnuju situacyju», — skazaŭ jon.