Litoŭski ministr: 21 IT-kampanija ź Biełarusi chacieła b pierajechać u Litvu
Urad Litvy ŭ sieradu prystupiŭ da razhladu płana dapamohi žycharam Biełarusi, u im vyznačajecca davańnie dapamohi paciarpiełym ad represij biełarusam, piša Delfi.
Płan pradstaviŭ na naradzie ŭrada ŭ sieradu ministr zamiežnych spraŭ Linas Linkiavičus. Jon skazaŭ, što z reziervu ŭrada Ministerstvu achovy zdaroŭja namiačajecca vydzielić da 100 tysiač jeŭra humanitarnaj dapamohi.
Taksama prapanujecca vyłučyć z asihnavańniaŭ Ministerstvu adukacyi, navuki i sportu sto dziaržaŭnych stypiendyj dla navučańnia biełaruskich studentaŭ u VNU Litvy.
Asobnaja dapamoha jašče ŭ hetym hodzie praduhledžana i dla Jeŭrapiejskaha humanitarnaha ŭniviersiteta (EHU). «Mahu skazać, što my płanujem vyłučyć na heta 200 tysiač jeŭra», — skazaŭ Linkiavičus.
Razhladajucca mahčymaści spraščeńnia vydačy viz hramadzianam Biełarusi — jany buduć vydavacca pa zaprašeńni jurydyčnych asob.
Ministr ekanomiki i inavacyj Rymantas Sinkiavičus kaža, što ministerstva atrymała zvarot 21 kampanii śfiery IT ź Biełarusi, jakija žadajuć pracavać u Litvie.