Karajeŭ pra žančyn, jakija abaraniajuć mužčyn na akcyjach: Dziaŭčynak u vojska, a chłopčykaŭ da plity
Pravaachoŭniki spadziajucca, što situacyja z vuličnymi akcyjami vyrašycca mirnym šlacham. Pra heta ŭ efiry telekanała STB zajaviŭ kiraŭnik MUS Juryj Karajeŭ.
Fota Nadziei Bužan.
— Darečy, prykmieta našaha času — dziaŭčynki stanoviacca ŭ sčepku, achoŭvajučy chłopčykaŭ. Z hetaj nahody navat pajšli žarty: takich dziaŭčynak u vojska, a chłopčykaŭ, napeŭna, da plity. Viadoma ž my imkniomsia žančyn i dziaŭčynak naohuł nie čapać, — zajaviŭ jon.
Karajeŭ śćviardžaje, što siłaviki chočuć, kab usio vyrašyłasia mirna:
— Kali chtości vyrašyć, što z nami možna pasprabavać jašče raz siłavym šlacham — my nie zavahajemsia. My sami pravakavać nie imkniomsia, chočam, kab usio vyrašyłasia mirna.