15 biełarusaŭ źviarnulisia da ŭładaŭ Ukrainy z prośbami ab palityčnym prytułku
Pamiežniki ciaham apošniaha času pieradali ŭ mihracyjnuju słužbu Ukrainy 15 zvarotaŭ ad hramadzian Biełarusi pa atrymańnie abarony ad pieraśledu na radzimie, paviedamiła Svabodzie Dziaržaŭnaja pamiežnaja słužba Ŭkrainy.
Siońnia z anałahičnaj prośbaj u punkcie propusku ŭ Čarnihaŭskaj vobłaści da pamiežnikaŭ źviarnułasia jašče adna biełaruskaja siamja — muž i žonka ź dziećmi.
«Mužčyna paviedamiŭ, što ŭžo peŭny čas na ich cisnuli pravaachoŭnyja orhany Biełarusi. Adnak z krainy jany vyrašyli vyjechać, pakolki suprać jaho niadaŭna zaviali nadumanuju kryminalnuju spravu, źviazanuju z chabarnictvam», — udakładnili pamiežniki.