Premjer Hałoŭčanka: Paśla vakcyny pačuvajusia cudoŭna
Raman Hałoŭčanka padčas rabočaj pajezdki ŭ Viciebskuju vobłaść paćvierdziŭ, što jaho stan zdaroŭja paśla pryščepki ad COVID-19, zroblenaj 3 vieraśnia, nie źmianiŭsia, piša BIEŁTA.
«Pačuvajusia vydatna, na nahach, jak bačycie, ceły dzień. Pracuju ŭ poŭnuju siłu. Tak što prośba nakont majho stanu zdaroŭja nie turbavacca», — skazaŭ premjer-ministr.
Raman Hałoŭčanka taksama ŭdakładniŭ, što ab jakich-niebudź terminach rehistracyi vakcyny kazać pakul rana, «tym bolš my płanujem jašče častkova łakalizavać jaje kančatkovuju vytvorčaść (chutčej za ŭsio, havorka idzie ab fasoŭcy), kab zrabić tańniejšym košt».