Hienprakuror Švied: My mabilizujem ŭsich adkaznych asob, kab zabiaśpiečyć u krainie spakoj i pravaparadak
Hienieralnaja prakuratura maje namier u najbližejšy čas uzmacnić rabotu pa prafiłaktycy lubych prajaŭ, źviazanych z parušeńniem hramadskaha paradku. Pra heta zajaviŭ žurnalistam hienieralny prakuror Andrej Švied, jakoha siońnia pradstaviŭ kalektyvu kiraŭnik dziaržavy, pieradaje BIEŁTA.
U jakaści asnoŭnaj zadačy dla Hienieralnaj prakuratury Andrej Švied bačyć zachavańnie niezaležnaści i suvierenitetu krainy. Na hetym rabiŭ akcent i prezident, pradstaŭlajučy novaha kiraŭnika.
«I prakurory tut pavinny skazać i skažuć svajo važkaje słova, — zapeŭniŭ hienprakuror. — Pavinna być harantavana biaśpieka na našych vulicach, paradak. Lubyja prajavy hvałtu, ekstremizmu, parušeńni hramadskaha paradku pavinny spyniacca na karani».
«Prakurorami ŭ najbližejšy čas budzie ŭzmocniena praca pa prafiłaktycy lubych prajaŭ, źviazanych z parušeńniem hramadskaha paradku. My mabilizujem i prymusim usich, chto abaviazany zajmacca hetymi pytańniami: usie dziaržaŭnyja orhany, usich słužbovych asobaŭ — adzinym frontam zabiaśpiečyć našaj krainie spakoj i pravaparadak», — padkreśliŭ Andrej Švied.