Studenty Homielskaha techničnaha ŭniviersiteta apublikavali pietycyju: My suprać katavańniaŭ
Studenty HDTU im. Suchoha apublikavali elektronnuju pietycyju i źviarnulisia da kiraŭnictva VNU.
Jany aburanyja publikacyjaj ad 14 žniŭnia, jakaja była raźmieščana na aficyjnym sajcie ŭstanovy. Ad imia vykładčykaŭ, supracoŭnikaŭ i studentaŭ kiraŭnictva zaklikała «spynić biessensoŭnyja razborki na vulicach i dać mahčymaść ziemlarobam raścić chleb, stalavaram «varyć» stal, enierhietykam zabiaśpiečvać nas ciapłom i śviatłom».
Na dumku studentaŭ, takaja publikacyja parušaje pluralizm mierkavańniaŭ i palityčnych pohladaŭ, harantavany 4 i 33 artykułami Kanstytucyi krainy.
Akramia hetaha, homielskija studenty asudzili katavańni, žorstkaje abychodžańnie, patrabujuć vyzvalić palitviaźniaŭ i ŭdzielnikaŭ mirnych akcyj. Taksama jany čakajuć publičnych prabačeńniaŭ i płanujuć pravieści sustreču z administracyjaj.