Milicyja: Učora byli zatrymanyja 442 čałavieki, a Marš salidarnaści sabraŭ 18 tysiač
Fota Nadziei Bužan
Pres-słužba MUS paviedamlaje, što ŭčora ŭ 24 pratesnych akcyjach pa ŭsioj Biełarusi ŭziali ŭdzieł bolš za 20 tysiač čałaviek.
U pikavy momant u Minsku kolkaść udzielnikaŭ skłała 18 tysiač čałaviek.
U Breście milicyja ŭžyła ślozaciečny haz dla spynieńnia «supraćpraŭnych dziejańniaŭ pratestoŭcaŭ». Taksama byŭ zrobleny adzin papieradžalny streł u pavietra śvietłašumavym patronam dla strymlivańnia naporu mitynhoŭcaŭ i praduchileńnia napadu na supracoŭnikaŭ pravaachoŭnych orhanaŭ.
Usiaho ŭčora zatrymali 442 čałaviek (ź ich u Minsku — 266). Da razhladu ŭ sudzie spraŭ pa administracyjnych pravaparušeńniach ŭ miescy ŭtrymańnia zatrymanych źmiaścili 330 čałaviek.