Zialenski: Sumlennyja vybary prezidenta Biełarusi — najlepšy vychad z kryzisu
Prezident Ukrainy Uładzimir Zialenski ličyć, što praviadzieńnie sumlennych vybaraŭ prezidenta Biełarusi źjaŭlajecca lepšym vychadam z kryzisnaj situacyi, jakaja skłałasia ŭ hetaj krainie, piša «Interfaks».
«Sumlennyja vybary prezidenta (Biełarusi) — najlepšy vychad z hetaha kryzisu. Kali kandydaty ŭpeŭnienyja ŭ svajoj pieramozie, to niama čaho bajacca jašče adnych vybaraŭ. Heta dziejańni ŭłady, jakaja nie baicca svajho naroda. Ja taksama adznačaju, što pavinien być dyjałoh z hramadstvam, treba paźbiahać hvałtu. Heta dziejańni ŭłady, jakaja kłapocicca ab svaim narodzie», — skazaŭ jon u intervju słavackamu vydańniu Hospodarske noviny.
Zialenski adznačyŭ, što taki kryzis upłyvaje nie tolki na susiednija ź Biełaruśsiu krainy, ale i na ŭsiu Jeŭropu.
«My bačym, što paŭstaŭ najbolšy palityčny kryzis za ŭsie hady niezaležnaści Biełarusi. Jon taksama źviazany z ekanamičnym i sacyjalnym kryzisami, jakija ŭžo vyśpieli i vyjaŭlajucca nastupstvy. Kali scenar budzie niehatyŭnym, heta budzie aznačać, prynamsi, sotni tysiač biežancaŭ ź Biełarusi ŭ krainy Jeŭropy», — ukazaŭ jon.