Ukraina dazvoliła ad siońnia ŭjezd zamiežnikam
Z 00:00 28 vieraśnia spyniła dziejańnie norma ŭ pastanovie Kabmina ab zabaronie ŭjezdu zamiežnikaŭ na terytoryju Ukrainy, i z paniadziełka zamiežnym hramadzianam dazvoleny ŭjezd va Ukrainu, rastłumačyŭ śpikier Dziaržaŭnaj pamiežnaj słužby Andrej Dziemčanka, piša «Interfaks-Ukraina».
«Pastanova, u jakoj taksama byli prapisany abmiežavańni ŭjezdu zamiežnikaŭ, praciahvaje dziejničać.
Heta pastanova ŭrada №641. Tam była dakładna prapisanaja zabarona ŭjezdu zamiežnikaŭ na terytoryju našaj krainy z 28 žniŭnia da 00.00 28 vieraśnia. Faktyčna, hetaj nočču hetaja norma ab zabaronie ŭjezdu zamiežnikam u našu krainu spyniła svajo dziejańnie. Z hetaha času zamiežnikam ujezd u našu krainu nie zabaronieny», — skazaŭ Dziemčanka.